因为我既职业关系，可以接触到好多人，而加上我八八卦卦，又识的风水玄学，自然人缘好，因为，朋友或客人，有乜 风水玄学问题，起码都可以问下我，攞下意见嘛。

而我识既人当中，有的都对风水术数相当有兴趣，成日都会睇下呢方面既野，有时都会请教下我。

有一次，有一位点头之交既朋友问我︰“我学紧风水，有机会都想做呢行，兼职或全职帮人睇风水。但我跟这位风水师傅，话我八字纯阴，唔适宜帮人做风水。如果帮人做风水，好容易撞鬼，比鬼搞。咁其实怕唔怕﹖ ”

其实，我跟师傅白鹤鸣大师咁耐，都知道有D人，天生元辰弱，会容易撞鬼。但呢为朋友，究竟佢系唔系真系八字纯阴﹖我都唔知，都 有 D好奇，所以我就叫呢位仁兄，写个八字黎研究下。

佢写左八字之后，我一睇，先知原来佢既八字的确为纯阴，系天干地支数既纯阴。

系天干数黎讲，会顺序将“一二三四五六七八九十”配落“甲乙丙丁戊己庚辛壬癸”度，就得出“甲一、乙二、丙 三、丁四、戊五、己六、庚七、辛八、壬九、癸十。”

凡属“一三五七九”的奇数，属于阳奇数，而属“二四六八十”的偶数，属于阴偶数。 如果八字既“年干、月干、日干、时干”都系“乙、丁、己、辛、癸”既组合，咁八字既天干已经系纯阴嘞！

而“乙、丁、己、辛、癸”可以重复(例如乙乙癸癸)，亦唔需要计顺排或逆排(例如乙、己、丁、辛)，总之系八字既天干，如果只出现“乙、丁、己、辛、癸”既任何组合，就已经系全阴干。

例如年月日时天 干系“乙癸丁乙”，就已经算系全阴干。 今日讲到呢度先，下一篇再继续讲落去。